مش حقول:انى باحبك,
كلمه غاليه..رخصوها.
مش حقول:انى باحبك,
ضحكه صافيه عكروها.
مش حقول:انى باحبك,
عمله نادره..زيفوها
عايز اقولك..
كلمه تانيه,
فيها معنى مش بسيط
نفسى ادور..
يمكن اقدر,
لو اغوص تحت المحيط
لو تكون فوق الجبال,
ولا تايهه فى الرمال
او فى نجمه,
ساكنه اعلى..
من حدود الاحتمال!
*********
نفسى الاقى معنى تانى
معنى اكبر م المعانى
معنى اطول
م الليالى.
معنى اكبر..
من خيالك,اوخيالى
معنى اقدر..
بيه افسر..
انى منك,
وانت لى ومخلوقالى.
**********
مش حقول انى باحبك
حسى بيها بنبض قلبك
والكلام..
لوكان يعبر,
راح ادور فى المعانى
اللىساكنه,
جوه احضان الأغانى
يمكن القى
كلمه تايهه
بيها انده احلى ندهه
زى غنوة..
طيرطير يزقزق
عند طلة شمس تشرق,
فى الجناين
فوق بساط فصل الربيع
زى ضحكه
صافيه دايمه
تمحى احزان الجميع
زى حنية امومه,
وقت ماتضم الرضيع
لما يتقابلو الحبايب
فى الشفق
وقت المغارب,
ولا لهفة شوق لعاشق,
لو حبيبه عنه غايب.
واما اتعب,
ولا اغلب..
مش حقول:انى باحبك!
وان قدرتى,
او حاولتى تفهمينى,
تلقى صمتى..
راح يقولك:
الف ميت مليون باحبك
الف..
ميت مليون باحبك
الجمعة يونيو 05, 2009 7:21 am
